ستي أم عطا

هاي ستي ام عطا ما كنتش تقراوتكتب

الله يرحمها تعيشو

ما كنتش تقراوتكتب

لكن كانت تقول وكانت تسجع

كانت تقول هاتو الجريدة تنقراها

نشوف لبلاد مين تولاها

طمنو ستي أم عطا

طمنو ستي ام عطا انو القضية

من زمان المندوب وهي زي ما هيه

لسه بنفاصل القناصل عليها

زي ما بتفاصلي مع الغجرية

لكن اطمني وصلنا معاهم

بين سته وسته ونص بالميه

بطلعلهم يا ستي حيفا ويافا

والنا خرفيشة وسيسعه برية

وإلنا دولة يحرسها طير السنونو

يا ام عطا ولبسوه رتب عسكريه

والسنونو الو نمو اقتصادي

والسنونو الو خطط امنيه

والسنونو عم ينبذ العنف ويعلن

التزامو الكامل بالاتفاقيه

والنا برضو يا ستي سجاده حمرا

تالسنونو يأدي عليها التحيه

والنا قمه يدعوا اليها السنونو

يعقدوها بالجامعه العربيه

حيو برج الحمام وحيو حماموا

من ملوك المحبة والاخوية

يا حمام البروج ويا موالنا

يا دوا الجرح يا شفا البريه

يا شداد الخطر على اعادينا

وحبكو النا حب قيس للعامريه

رح اقول الي قالو طوقان قبلي

اخو فدوى وابن العروق الزكية

في يدينا بقية من تراب فأستريحو كي لا تضيع البقية

قصيده للشاعر الفلسطيني

تميم البرغوثي

اذا اردت مشاهدة الفيديو

انسخ الرابط التالي

https://www.youtube.com/watch?v=Qz9PkgzU_ZI&feature=related